ತನ್ನ ಪೂರೈಕೆ ಸರಪಳಿಯಲ್ಲಿ 2,100 ಕ್ಕೂ ಹೆಚ್ಚು ವಿಕಲಚೇತನರನ್ನು ನೇಮಿಸಿಕೊಂಡಿರುವ ಫ್ಲಿಪ್‌ಕಾರ್ಟ್ ತನ್ನ eDAB ಉಪಕ್ರಮದೊಂದಿಗೆ ವೈವಿಧ್ಯಮಯ, ಅಂತರ್ಗತ ಮತ್ತು ಸಮಾನ ಕೆಲಸದ ಸ್ಥಳವನ್ನು ರೂಪಿಸುವುದನ್ನು ಮುಂದುವರೆಸಿದೆ. ಅಂತರಾಷ್ಟ್ರೀಯ ವಿಕಲಚೇತನರ ದಿನದಂದು ಮತ್ತು ಪ್ರತಿದಿನ, ಅವರ ಕಥೆಗಳೂ ಸಹ ನೋಡಲು ಮತ್ತು ಓದಲು ಅರ್ಹವಾಗಿವೆ. ಇದು ಪ್ರತಿಯೊಬ್ಬರನ್ನೂ ಅವರ ಕಥೆಯ ಹೀರೋಗಳಾಗಿ ಮಾಡಿದೆ.
“ನನ್ನಿಂದ ಮಾತನಾಡಲು ಮತ್ತು ಕೇಳಲು ಸಾಧ್ಯವಿಲ್ಲ – ಬಹುಶಃ ಅದಕ್ಕಾಗಿಯೇ ಜಗತ್ತು ನನ್ನನ್ನು ಗುರುತಿಸುವುದಿಲ್ಲ. ಆದರೆ ಜೀವನ ಅಂದ್ರೆ ನಿಜಕ್ಕೂ ಸವಾಲುಗಳನ್ನು ಎದುರಿಸುವುದು,” ಎಂದು ತಿಳಿಸಿದ್ದಾರೆಅಜಯ್ ಸಿಂಗ್.
ವೀಕ್ಷಿಸಿ: ಫ್ಲಿಪ್‌ಕಾರ್ಟ್‌ನ eDAB ಹಬ್‌ನ ಕಥೆಗಳು
“ಇಂದಿಗೂ ನಮ್ಮ ಸಮಾಜದಲ್ಲಿ ವಿಕಲಚೇತನ ಮಹಿಳೆಯರು ಸಾಕಷ್ಟು ಸವಾಲುಗಳನ್ನು ಎದುರಿಸುತ್ತಿದ್ದಾರೆ. ತಪ್ಪಾದ ಚಿಕಿತ್ಸೆಯಿಂದಾಗಿ ನನ್ನ ಕಾಲಿನಲ್ಲಿ ದೋಷ ಕಾಣಿಸಿಕೊಂಡಿತು. ಇಂದಿಗೂ ನಾನು ಕುಂಟುತ್ತಾ ನಡೆಯುತ್ತೇನೆ. ಇದನ್ನ ನೀವು ಹಣೆಬರಹ ಎಂದಾದರೂ ಹೇಳಬಹುದು ಅಥವಾ ಅದರ ವಿರುದ್ಧ ಹೋರಾಡಲು ಕಲಿಯಬಹುದು” ಎಂದು ಸಂಗೀತಾ ಹೇಳುತ್ತಾರೆ. “ನಾನು ಹೋರಾಡಲು ನಿರ್ಧರಿಸಿದೆ.”
“ನನ್ನ ಎರಡೂ ಕೈಗಳಲ್ಲಿ ಬೆರಳುಗಳಿಲ್ಲ. ಆದರೆ ನಾನು ವಿಕಲಚೇತನ ಎಂದು ನಾನು ಎಂದಿಗೂ ನಂಬಲಿಲ್ಲ. ಬದುಕು ಕಟ್ಟಿಕೊಳ್ಳಲು ಸಾಕಷ್ಟು ಸಹಿಸಿಕೊಂಡೆ. ನಾನು ನಿರ್ಮಾಣ ಸ್ಥಳದಲ್ಲಿ ಕಲ್ಲುಗಳು ಮತ್ತು ಇಟ್ಟಿಗೆಗಳನ್ನು ಹೊರುತ್ತಿದ್ದೆ, ಆಗೊಮ್ಮೆ ನನ್ನ ಎರಡೂ ಬೆರಳುಗಳು ಕತ್ತರಿಸಲ್ಪಟ್ಟವು,” ಎಂದುಶೇಖರ್ ಕುಮಾರ್ ಹೇಳುತ್ತಾರೆ.
ತಮ್ಮ ಪ್ರತಿಭೆಯನ್ನು ನೈಜವಾಗಿ ಪ್ರದರ್ಶಿಸಲು ಅನುವು ಮಾಡಿಕೊಡುವ ಅವಕಾಶಗಳನ್ನು ಹುಡುಕುತ್ತಾ, ಮೂವರೂ ಫ್ಲಿಪ್‌ಕಾರ್ಟ್‌ನ ನವದೆಹಲಿಯಲ್ಲಿನ ಅಂಗವೈಕಲ್ಯ ಹೊಂದಿರುವ ಇಕಾರ್ಟಿಯನ್ನರ(eKartians) (eDAB) ವಿತರಣಾ ಕೇಂದ್ರದಲ್ಲಿ ತಮ್ಮ ಅವಕಾಶವನ್ನು ಕಂಡುಕೊಂಡರು.
